Silek Minangkabau, Lahie Mancari Kawan, Batin Mancari Tuhan

Penulis : Fiqkih Aulia Rahman Agmy, Mahasiswa Jurusan Sastra Minangkabau, Universitas Andalas.

Silek Minangkabau bebeda jo pencak silek jo silek pado umumnyo. Kato silek pado bahaso Minangkabau babeda pada nan jo kato silat pado bahaso Indonesia. Kato silat pado Bahaso Indonesia, seperti pengertian dalam KBBI adolah olahraga (Permainan) nan mano didasarkan pado ketangkasan menyerang dan seni bela diri, baiak manggunokan sanjato maupun indak.

Silek di Minangkabau bukanlah suatu seni ataupun pamainan, tetapi suatu pengatahuan dan keterampilan nan manjadi kekayoan lahia jo batin dalam berinteraksi jo tuhan, jo sasamo manusia dan jo alam lingkungannyo. Sabagai sabuah keterampilan, silek iyo malahirkan sabuah kreatifitas seni gerak nan disabuik jo Pencak. Pencak diartikan sabagai bungo atau buah dari silek nan dapek dijadian suatu pamainan ataupun pertunjukan, seperti randai, sipak rago dan tari-tarian.

Silek Minangkabau mengandung kearifan lokal untuak mamanajemen konflik nan khas dan sangaik manekankan kapado pencegahan dan penyelesaian konflik tanpa mamatikan potensi konflik nan akan muncul ditengah masyarakaik.

Pencegahan konflik nan dimukasuik dalam masyarakat Minangkabau sangaik mempertimbangkan atau mamfasilitasi konflik malalui media budaya, supayo dapek maubah konflik nan berpotensi manimbulkan tindakan anarkis di tangah masyarakaik manjadi konflik nan etis serta bermatabaik jo banilai positif.

Dalam budayo Minangkabau, individu-individu dipandang sataro jo sakaligus sabagai faktor pambeda. Sasuai jo falsafah hiduik masyarakaik Minangkabau “Alam Takambang Jadi Guru” nan mano alam tadiri ateh unsur-unsur babeda nan saliang malengkapi yakni api, aia, angin jo tanah. Dengan demikian, budayo untuak basaing jo bakonflik dalam Masyarakaik Minangkabau sangaik kuaik.

Masyarakaik Minangkabau nan hiduik dalam kueknyo etos budayo nan basaing dan bakonflik, nan apabilo dijadian hal nan sapele tantunyo akan mangancam keharmonisan hiduik bermasyarakaik. Untuak itu sangaik diparaluan silek.

Silek marupokan kekuatan etos, kecerdasan intelektual, katarampilan, kecekatan, sarato katangkasan fisik dan seterusnyo. Silek Minangkabau mencakup sadonyo aspek kahidupan manusia. Oleh sebab itu, silek iyo maliputi silek dan suluk. silek diaratikan sabagai ilmu untuak mampelajari atau mangana diri batiniah. Dan suluk adolah ilmu nan mampelajari atau mengana diri lahia jo batin.

Aratinyo silek mencakup lahia batin, fisik dan mental, material sosial spiritual sarato dunia dan akhirat. Dengan adanyo silek dalam masyarakaik, dapek mengendalikan konflik jo manjunjuang tinggi nilai budi nan mengajarkan nilai-nilai toleransi. Seperti ungkapan adaik “Lamak dek awak katuju dek urang” nan sangaik mamentingkan raso jo pareso atau tenggang raso.

Dengan demikian lahianyo silek ditengah masyarakaik Minangkabau untuak mancari kawan barundiang terhadap suatu permasalahan nan manekankan kapado kecerdasan intelektual dan kecerdasan emosi untuak mandapekan hasil yang bernilai positif.

Disampiang itu, kecerdasan intelektual jo kecerdasan emosi sajo indak cukuik untuak manyalasaikan sabuah konflik tanpa melibatkan kecerdasan spiritual. Sahinggo diartikan manjadi silek lahie mancari kawan, silek batin mancari Tuhan. (**)

 74 total views